གསོན་ལུས་དང་མ་བྲལ་བའི་འཆི་སྟངས་དེས
སུ་ཞིག་གི་བྲང་ཁོག་དུམ་བུར་གཏུབ་སྟེ
དམྱལ་ཁམས་གང་རུང་ཞིག་ཏུ་བརྫངས་བས
སྨྲེ་སྔགས་གིས་ས་གཞི་ཁེབས་པའི་འཇིག་རྟེན་འདིར
ཚེར་མ་ཁོ་ན་ངའི་མལ་སྟན་དུ་ལྷག
དེའི་ཕྱིར་གོ་རིམ་དང་གནས་ལུགས་འཆོལ་བའི
ཁོར་ཡུག་ཅིག་གི་ངོ་གདོང
ང་དང་ང་ལྟ་བུའི
མི་བུ་འགའ་ཞིག་གི་སེམས་གཅོང་ལས་ཆི་ཡང་མ་མཆིས།

འོན་ཀྱང་ལས་དབང་གི་བཀོད་སྒྲིག་གིས
ངེད་ཚོ་ད་དུང
ཆེས་སྤྱིར་བཏང་གི་འཚོ་བ་ཞིག་གི་སླད་དུ
ཁོར་ཡུག་འདིས་བཙོན་མ་མི་བྱེད་ག་མེད་རེད།