རེ་བ་ཁྲི་ཕྲག་གི་ཕ་རོལ་ནསང་ཚོས་རྨི་ལམ་ཞིག་གླེང་སྟེ
ཆང་འཐུང་སྐོར་ཞིག་གི་མིང་བྱང་རྙེད།
དེ་རིང་ཡང་བསྐྱར་ང་ཚོ་འདི་ལྟར་འཛོམས་ཏེ
རྒྱུས་མེད་ཀྱི་ཡུལ་ལུང་ཞིག་ན
ཅི་འདྲའི་སྐྱིད་ཨང་།
ད་དུང་ང་ཚོ་གསོན་དགོས་པས་
ཁ་དོག་འདི་དང་རྨི་ལམ་འདི་ལས་
ཅིས་ཀྱང་མདུན་དུ་སྐྱོད་དགོས།
ཕ་མ་དང་ཡུལ་ལུང་བྲལ་བའིང་ཚོ་སྟེ།
ཕུག་རོན་སྐོར་ཞིག
སྐྱུར་ལ་ཁ་བའི་འཚོ་བ་འདི་ལས་སྡོད་དགོས་ཀྱང
གང་ལྟར་ཕུགས་མདུན་ལ་འོད་སྣང་བྱུང་ཚེ
ཅི་ལ་སྐྱོ།
ཁེརརྐྱང་གི་མངའ་ཐང་སྲུང་བའི་ཆང་འཐུང་བ
སེམས་པ་བྲག་ཐོ་འདིར་ཁེན་ནས
སུ་ཞིག་གི་བརྩེ་བར་སྒུག་ཡོད།
ཉིན་མོ་འདིར
ང་ཚོ་ཅི་འདྲའི་སྐྱིད་ཨང
ནམ་ཞིག་ལ་ཡང་བསྐྱར་
ང་ཚོ་སྔར་ལྟར་འབྲལ་དགོས་བྱུང་ཚེ
མིག་ཆུ་མི་གཏོང་རོགས།
No comments:
Post a Comment