འཇིག་རྟེན་འཚོ་བའི་ལམ་ཁ་རེ་རེ་ཉུལ་ནས།།
ལོ་ཟླའི་ཤོག་ལྷེ་མང་བོའི་གྲངས་ཀ་བརྩེགས་ཀྱང་།།
བྱིས་དུས་འཇའ་ཚོན་གསལ་བའི་རི་མོ་སྣུམ་པོ།།
དྲང་འཛིན་གཙང་པོའི་ངོགས་ན་འོད་དུ་འཚེར་འདུག།
ལོ་ཚོད་ཡོད་བའི་རི་མོ་ཐོད་དུ་བབས་ཤིང་།།
ལང་ཚོའི་ཚིགས་རིས་རེ་རེ་འཁྱོག་པོར་གྱུར་ཀྱང་།།
སློག་པའི་འདབ་ཁས་ཤིང་གཤོག་དྲུད་པའི་ལོ་རྒྱུས།།
ཡ་ཆུང་སེམས་ནས་ནམ་ཡང་བརྗེད་པ་མི་འདུག།
ཁ་དོག་དམར་བོའི་འཇིག་རྟེན་རྒྱང་དུ་བསྐྱུར་ཏེ།།
ན་ཆུང་མེ་ཏོག་ཚལ་ལ་སྨོན་ལམ་བཏབས་ཀྱང་།།
གྲོགས་ཀྱི་བརྩེ་བ་ཟབ་མོའི་རྒུན་ཆང་དྭངས་མོ།།
ནམ་ཡང་བརྗེད་པ་མ་གནང་སྙིང་གི་གྲོགས་པོ།།
No comments:
Post a Comment